Polşa səfiri Kşiştof Krayevski çərşənbə günü Rusiya Xarici İşlər Nazirliyinə çağırılıb.
Manşet.az xəbər verir ki, bu barədə nazirlikdən məlumat verilib.
Mayın 9-da Rusiyanın Varşavadakı səfiri Sergey Andreyevə hücumla bağlı Moskvanın Polşa hakimiyyətinin rəsmən üzr istəməsini gözlədiyi bildirilib.
Qurumdan qeyd edilib ki, Polşa tərəfi Diplomatik Münasibətlər haqqında Vyana Konvensiyasını kobud şəkildə pozub.
Həmçinin, Rusiya XİN Varşavanın reaksiyasından asılı olaraq əlavə addımlar atılacağını vurğulayıb.
