“Kiyev faktiki olaraq danışıqlar prosesindən çıxıb”.
Manset.az “RİA Novosti”yə istinadən xəbər verir ki, bunu jurnalistlərə açıqlamasında Rusiya xarici işlər nazirinin müavini Andrey Rudenko deyib.
“Xeyr, danışıqlar davam etdirilmir”, - deyə Rudenko söyləyib.
Onun sözlərinə görə, Kiyev Rusiyanın müqavilə layihəsinə cavab verməyib.
Xatırladaq ki, Rusiya və Ukrayna arasında danışıqlar fevralın 28-dən həyata keçirilib. Hər iki ölkənin nümayəndələr heyəti bir neçə dəfə Belarusda görüşsə də, sonradan danışıqlar onlayn formatda keçirilib. Bununla yanaşı, tərəflər martın 29-u İstanbulda görüş keçirib.
