Ermənistan prezidenti Gürcüstana gedir

Ermənistan Prezidenti Vaaqn Xaçatryan sabah Gürcüstana rəsmi səfər edəcək.

 

Manset.az xəbər verir ki, o, gürcüstanlı həmkarı Salome Zurabişvili ilə təkbətək görüş keçirəcək.

Daha sonra nümayəndə heyətlərinin iştirakı ilə geniş tərkibdə görüş və dövlət başçılarının mətbuata birgə bəyanatla çıxışı planlaşdırılıb.

V.Xaçatryan rəsmi səfər çərçivəsində Gürcüstanın Baş naziri İrakli Qaribaşvili və parlament sədri Şalva Papuaşvili ilə də görüşəcək.