Latviyada Elektron Media üzrə Milli Şura (NEPLP) ölkədə qalan 80 Rusiya telekanalının yayımını qadağan edib.
Manşet.az xəbər verir ki, bu barədə “Delfi” agentliyi məlumat yayıb. Bildirilir ki, bu qərar iyunun 9-da qüvvəyə minir və Rusiya Federasiyası müharibəni dayandırıb Krımı Ukraynaya qaytarana qədər qüvvədə qalacaq.
Qadağan edilən kanallar arasında "Kino24", "Mir TV", "Oxota i rıbalka”, “Perets” kanalları da var.
Xatırladaq ki, bundan əvvəl bildirilmişdi ki, Avropa İttifaqı Rusiyaya qarşı altıncı sanksiyalar paketi çərçivəsində Rusiya kanallarını – “Rossiya24”, “İnternational” televiziya mərkəzi, “RTR Planeta”nı Aİ ərazisində kabel, peyk və internet yayımlarından ayıracaq.
