Ukrayna Prezident Aparatının müşaviri Mixail Podolyak Rusiya ilə müharibəni dayandırmaq üçün ağır silahlara ehtiyac duyduqlarını bildirib.
Manset.az-ın xarici mediaya istinadən məlumatına görə, Ukrayna Prezident Aparatının müşaviri Mixail Podolyak öz Tvitter hesabında bunları yazıb:
“Açığını deyim ki, müharibəni bitirmək və Rusiyanı Ukraynadan çıxarmaq üçün 155 mm çaplı 1000 haubitsa, 500 tank, 300 reaktiv yaylım atəşi sistemi, 2000 zirehli texnika və 1000 pilotsuz uçuş aparatına (PUA) ehtiyacımız var”.
O, vurğulayıb ki, Ukrayna bu məsələ ilə bağlı iyunun 15-də keçiriləcək NATO müdafiə nazirlərinin toplantısından qərar gözləyir.
