Rusiyanın xarici işlər naziri Sergey Lavrov BBC-nin Rusiya redaktoru Stiv Rozenberqin suallarını cavablandırıb.
Manset.az-ın xarici mediaya istinadən məlumatına görə, Lavrov Ukraynanı işğal etmədikləri arqumentini təkrarlayaraq, onu neonasistlərdən təmizləmək üçün əməliyyat təşkil etməli olduqlarını bildirib.
O, jurnalistin "Məlumata görə, 74-ü uşaq, 5-i əlil olmaqla 360 mülki şəxs Rusiya ordusu tərəfindən 28 gün məktəbin zirzəmisində qalmağa məcbur edilib. Onların nə tualeti, nə də suyu var idi. 10 qoca ölüb. Bu faşistlərlə döyüşməkdir? ” – sualına belə cavab verib:
“Bu, çox üzücüdür. Amma beynəlxalq diplomatlar Qərbin, o cümlədən Birləşmiş Millətlər Təşkilatının İnsan Haqları üzrə Ali Komissarlığının, BMT-nin mətbuat katibinin və digər BMT rəsmilərinin təzyiqi altındadır. Onlar tez-tez Qərb tərəfindən istehsal olunan saxta xəbərləri böyütmək və yaymaq üçün istifadə edirlər. Rusiya təmiz deyil. Rusiya olduğu kimidir. Və biz kim olduğumuzu göstərməkdən utanmırıq”.
