Hər həftə Moskvanın könüllü adlandırdığı yüzlərlə silahlı şəxs Rusiya tərəfindən Ukraynaya göndərilir.
Manset.az-ın xarici mediaya istinadən məlumatına görə, Ukraynanın işğalında iştirak etmək istəyən rusiyalı könüllülərin qarşısında üç seçim var.
Birincisi, Rusiya Müdafiə Nazirliyi ilə imzalanmış qısamüddətli müqavilələrdir.
İkincisi, Çeçenistana gedib oradakı rus mühafizəçiləri ilə üç aylıq müqavilə imzalamaqdır.
Sonuncu, Vladimir Putinin Ukraynaya işğalından iki gün əvvəl müstəqilliyini tanıdığı kağız üzərində Donetsk və Luqansk xalq respublikaları ilə müqavilə bağlamaqdır.
Donest və Luqansk administrasiyaları ilə müqavilə imzalamağa nadir hallarda üstünlük verilir, çünki könüllülərin maaşı Rusiyadan aşağıdır.
Könüllülərə verilən silahların yaxşı vəziyyətdə olsa da, təlim meydançasında tam qarışıqlıq olduğu bildirilib.
Onlar taktiki təlim keçməyib, bəziləri əlində avtomatı belə saxlaya bilməyib, canlı tank görməyib və bir neçə müddət ərzində döyüşə göndəriliblər.
Rusiyanın bir çox bölgələrində könüllü hərbi xidmət pul qazanmağın demək olar ki, yeganə yoludur.
Tatarıstanın Nijnekamsk (Tübenkama) kimi şəhərlərində Ukraynada müharibəyə getməyə razı olanlara ayda 200 min rubl (təxminən 3600 dollar) vəd edilir.
Sözügedən pul paytaxt Moskvanın şərqində yerləşən Nijnekamsk şəhərindəki orta maaşdan beş dəfə çoxdur.
Hətta Ukraynaya düşmən olmayanlar da yüksək maaşa görə könüllü döyüşmək üçün hərbi xidmətin qarşısında növbə çəkirlər.
Könüllü döyüşə yollanan əsgərlərdən biri deyir ki, Ukraynanın şərq sərhədi yaxınlığındakı Rostovda toplaşan könüllülərin əksəriyyəti 45 yaşdan yuxarı idi.
Üstəlik, bəzilərinin səhhətində problemlər var idi:
"Təqaüdçüləri təbii ki, başa düşürəm, onlar vətənpərvərlik üçün orda olublar. Amma onların çoxunun sağlamlıq problemləri var, yarısı eynək taxıb. Toplantıya gələn hər kəsə baxdım və başa düşdüm ki, bu bir tərəfli bilet idi".
O, üç gündən sonra evə qayıtmaq qərarına gəldiyini bildirib.
