Birləşmiş Millətlər Təşkilatının Baş katibi Antonio Quterreş BBC-yə müsahibəsində deyib ki, ölkələr iqlim dəyişikliyinə yenidən öncəlik verməlidirlər, əks halda dünya fəlakətlə üzləşəcək.
Manset.az-ın xarici mediaya istinadən məlumatına görə, iqlim dəyişikliyini arxa plana keçirmə tendensiyası olduğunu bildirən Quterreş, “Bunu geri qaytara bilməsək, pis sonla üzləşəcəyik” - deyib.
BMT-nin baş katibi ölkə liderlərini iqlim dəyişikliyinin ən pis nəticələrindən qaçmaq üçün qlobal temperatur artımını 1,5C səviyyəsində saxlamaq kimi həyati məqsədlərdən əl çəkməməyə çağırıb.