Tümen vilayətinin Tobolsk rayonunda itin təsadüfən yerə atdığı silahdan açdığı atəş nəticəsində bir nəfər ölüb.
Manset.az xarici mediaya istinadən xəbər verir ki, bu barədə hüquq-mühafizə orqanlarından məlumat verilib.
“İki kişi balıq tutmağa gedib. Yanlarında itlər də olub. Versiyalardan birinə görə, it silaha toxunub, bundan sonra silahdan atəş açılıb. Nəticədə kişilərdən biri yaralanıb”, - məlumatda bildirilir.
Bir müddət xəsarət alan balıqçı huşunu itirməsə də, həkimlər gələnə qədər dünyasını dəyişib.
