İngiltərənin şimalındakı Lids şəhərindəki kitabxanada arsenlə rənglənmiş kitab tapılıb.
Manset.az xarici mediaya istinadən xəbər verir ki, sözügedən kitabın göz oxşayan, zümrüd yaşılı üz qabığı səlahiyyətliləri kitabın arsenlə rəngləndiyindən şübhələnməyə vadar edib.
Lids Mərkəzi Kitabxanasında tapılan bu kitab 1855-ci ildə nəşr olunan “Mənim öz bağım: Gənc Bağbanın İlliyi” kitabının nüsxəsidir.
Kitabın zəhərli olduğunu bilmədən İngiltərə sənaye inqilabının mühüm şəhərlərindən biri olan Lidsin qabaqcıl ailələrindən birinin qızına hədiyyə edildiyi bildirilir.
İsaak deyir: "Kitabların istehsalında çox tez-tez ağır metallardan istifadə olunurdu ki, o zamanlar estetik baxımdan xoş hesab edilən yaşıl bir çalar var idi, insanlar o zamanlar arsen kimi zərərli maddələrdən xəbərdar olsalar da, təsadüfən udulduqları təqdirdə verə biləcək təsirləri haqqında kifayət qədər məlumatlı deyillər." deyə bildirib.
ABŞ-da Mühafizə İnstitutunun təşəbbüsü ilə həyata keçirilən Toksik Kitab Layihəsi, arsen kimi təhlükəli və ağır metalların tez-tez istifadə edildiyi tarixi kitabları tapmaq məqsədi daşıyır.
İsaakın sözlərinə görə, bu layihə “zəhərli kitablar”ın aşkarlanması və onların gələcək nəsillər üçün həm təhlükəsiz, həm də düzgün şəkildə qorunub saxlanması baxımından düzgün mühafizəsi baxımından əhəmiyyətlidir.
Lids kitabxanasındakı kitabın rənglənməsi üçün nə qədər arsendən istifadə edildiyi hələlik məlum deyil. Bu səbəbdən də kitabın nə dərəcədə zəhərli olduğu və insanların sağlamlığı üçün təhlükənin nə dərəcədə olduğu hələ də məlum deyil.
