Böyük Britaniyanın Müdafiə Nazirliyi Rusiya-Ukrayna müharibəsi ilə bağlı hesabat yayımlayıb.
Manset.az-ın xarici mediaya istinadən məlumatına görə, hesabatda bildirilib ki, Rusiyanın müdafiə naziri Şoyqu ötən gün Rusiya qüvvələrinə Ukraynanın Xerson şəhərində çayın qərb sahilindən geri çəkilmə əmri verib və deyib:
“Xersonun qərb sahilinin itirilməsi, çox güman ki, Rusiyanın Odessaya çatan quru körpüsü kimi strateji istəyini reallaşdırmağa mane olacaq. Məhdud keçid məntəqələri ilə Rusiya qüvvələri Dnepr çayını keçərkən müdafiəsiz qalacaqlar. Müdafiə mövqeləri və geri çəkilən qüvvələri qoruyan artilleriya ilə geri çəkilmə çox güman ki, bir neçə gün ərzində baş tutacaq”.
Hesabatda o da qeyd edilib ki, Rusiya qüvvələri geri çəkilərkən bir çox körpünü dağıdıb və Ukrayna qüvvələrinin irəliləməsini ləngitmək üçün minalar yerləşdirmiş ola bilər.
