Rusiyanın Moskva şəhərində hava 9,6 dərəcəyə qədər istiləşib.
Manset.az BAKU.WS-ə istinadla xəbər verir ki, bu barədə Moskva meteoroloji bürosu məlumat yayıb.
“Noyabrın 12-nə olan temperatur rekordu bütün 143 illik meteoroloji müşahidələr tarixində yenilənib”, - deyə qeyd edilir.
Moskva üçün əvvəlki rekord 2010-cu il noyabrın 12-də, paytaxtda havanın temperaturunun 9,3 dərəcəyə qədər qalxdığı vaxtda müəyyən edilib.
Sinoptiklərin fikrincə, havanın 11-12 dərəcəyə kimi isti olacağını proqnozlaşdırırlar.
Qeyd edilib ki, Moskvada 1879-cu ildən davamlı meteoroloji müşahidələr aparılır.
