NASA-nın 1,4 milyard dollar dəyərində yeni nəsil peyki qasırğa, çovğun və daşqın kimi fəlakətləri proqnozlaşdıra biləcək.
Manset.az xarici mediaya istinadən xəbər verir ki, NASA tərəfindən Atlas 5 raketi ilə orbitə buraxılan ABŞ Milli Okean və Atmosfer Administrasiyasının (NOAA) Qütb Peyk Sistemi-2 (JPSS-2) NOAA-nın ən yeni nəsil qütb orbitli iqlim peyklərindən biri olacaq. Peyk alimlərə qasırğa, çovğun və daşqın kimi ekstremal hava hadisələrini izləməyə kömək edəcək. Peykin göndərdiyi məlumatlar sayəsində bu cür qeyri-adi hava hadisələrini əvvəlcədən daha aydın şəkildə proqnozlaşdırmaq olar.
Dəyəri 1,4 milyard dollar olan peyk meşə yanğınları və vulkanları da izləyə biləcək. Peyk atmosferi ölçməklə havadakı toz və tüstünü aşkar edə biləcək. O, həmçinin ozon təbəqəsini və atmosferin temperaturunu anbaa izləyəcək və iqlim böhranı ilə bağlı daha müasir məlumatlar təqdim edəcək.
Yerdən 820 kilometr yüksəklikdə gündə 14 dəfə Yer ətrafında dövr edəcək peyk eyni vaxtda qasırğaları izləyə biləcək. JPSS-2 peyki 2017-ci ildə orbitə buraxılan JPSS-1 peyki ilə birlikdə müşahidə aparacaq. Növbəti JPSS peyklərinin 2027 və 2032-ci illərdə buraxılacağı gözlənilir. JPSS-2-nin buraxılması ilə planeti müşahidə edən NOAA peyklərinin sayı 17-yə çatıb.
"JPSS missiyası gündə iki dəfədən çox Atlantik və Sakit Okeanlar üzərində müşahidələr aparır ki, orada meteoroloqlar hava şarları ilə müşahidə edə bilmirlər" dedi NASA-dan Jordan Gerth. Gert bildirir ki, hava proqnozları bu peyklər sayəsində xeyli yaxşılaşır.
Planetlərin atmosferləri göy cisimlərinin ətrafında qalxan rolunu oynayır. Bu atmosferlərə daxil olan yad cisimlər atmosferdəki qazlara sürtünərək yanır. Hər gün Yer atmosferinə daxil olan irili-xırdalı meteoritlər atmosferdə sürtünmə nəticəsində yanır və yox olur. Bu səbəbdən kosmik gəmilərin atmosferə daxil olduqda yanmaması üçün onların istilik qoruyucuları ilə örtülməsi mütləqdir.
İstilik qoruyucuları raketlərin və ya kosmik gəmilərin ölçüsündən asılı olaraq dəyişə bilər. Bununla belə, Mars kimi Yer atmosferinin yalnız 1 faizi qədər atmosfer sıxlığı olan planetlər üçün daha böyük səth kosmik gəmiləri tələb oluna bilər. Çünki sürtünmə yanmağa səbəb olsa da, atmosferlə sürtünmə də o kosmik gəmini ləngidən amildir. Mars kimi çox nazik atmosferə malik planetlər üçün çox böyük səthlərə malik kosmik gəmilər tələb olunur. Budur, Mars kimi planetlərə missiyalar üçün nəzərdə tutulmuş, şişmə istilik qoruyucusu şəklində olan LOFTID kosmik gəmisi.
