Prezident Ərdoğan İndoneziyanın Bali adasında keçirilən G20 Liderlər Zirvə toplantısından sonra Media Mərkəzində mətbuat konfransı keçirib. Ərdoğan çıxışında sammit zamanı keçirdiyi görüşləri izah edərkən bir jurnalistin dediyi sözlər onu qəzəbləndirib.
Manset.az-ın xarici mediaya istinadən məlumatına görə, Ərdoğan jurnalistin - “Türkiyə Ege, Suriya və İraqda təcavüzkar siyasət yürüdür”- sözlərinə belə cavab verib:
"Amerikada yaşayan türk olduğunuzu dediniz. Buna inanmıram. Fərqli bir irqçilik içindəsiniz. Çünki sualınız bunu tam olaraq ortaya qoyur. İraqın şimalında və Suriyanın cənubunda kürdlərlə heç bir problemimiz yoxdur. Türkiyədəki kürd vətəndaşlarımızla heç bir problemimiz yoxdur. Çünki problemimiz yoxdur”.
