Almaniya Müdafiə Nazirliyinin sözçüsü Kristian Tiels Almaniyanın hava məkanının monitorinqində Polşaya dəstək verməyi təklif etdiyini bildirib.
Manset.az-ın xarici mediaya istinadən məlumatına görə, Tiels, Polşaya Almaniyanın “Eurofighter” təyyarələrini “hava polisi” vəzifəsinə daxil etməyi təklif etdiklərini açıqlayıb:
“Polşa istəsə, bu, sabahdan etibarən edilə bilər”.
Tiels bunun üçün Polşada döyüş təyyarələrinin yerləşdirilməsinə ehtiyac olmadığını və Almaniyadakı bazalardan patrulların həyata keçirilə biləcəyini bildirib.
Bu kontekstdə Polşa tərəfi ilə təmasda olduqlarını ifadə edən Thiels Almaniyanın müdafiə naziri Kristin Lambrextin də bu gün polşalı həmkarı ilə görüşəcəyini qeyd edib.
