Şimali Koreya uzaqmənzilli raket atarkən, ABŞ-ın keçmiş prezidenti Donald Tramp kommunist ölkənin lideri Kim Çen Inı müdafiə edib.
Manset.az-ın xarici mediaya istinadən məlumatına görə, Şimali Koreya raketin buraxılışının onun “ölümcül” nüvə zərbəsi imkanlarını artırmaq məqsədi daşıdığını bildirib. Buna cavab olaraq, ABŞ bazar günü Cənubi Koreya döyüş təyyarələri ilə birlikdə uzun mənzilli səsdən sürətli bombardmançı təyyarələr uçurub.
Lakin Tramp “Truth Social”da Şimali Koreyanın hərəkətlərini müdafiə edib:
"Prezident olduğum illərdə çox yaxşı tanıdığım və yaxşı anlaşdığım Şimali Koreya lideri Kim Çen In ABŞ və Cənubi Koreyanın birgə böyük təlim və hava təlimləri keçirməsindən məmnun deyil. O, özünü təhlükə hiss edir. Hətta mən daim şikayət edərdim ki, Cənubi Koreya bu son dərəcə bahalı və təxribatçı təlimlər üçün bizə çox az pul ödəyib. Bu, cəfəngiyyatdır. Orada 35 min əsgərimiz var, mən bizə milyardlarla dolları tam ödəmək üçün Cənubi Koreya ilə razılaşdım və Bayden geri çəkildi. Necə də utancvericidir!!!”.
Manşet.az
