NATO-nun sözçüsü Oana Lunqesku Rusiya prezidenti Vladimir Putinin Belarusda nüvə silahı yerləşdirəcəkləri ilə bağlı bəyanatını “təhlükəli” və “məsuliyyətsiz” adlandırıb.
Manset.az-ın xarici mediaya istinadən məlumatına görə, Avropa İttifaqının Xarici Əlaqələr və Təhlükəsizlik Siyasəti üzrə Ali Nümayəndəsi Josep Borrell isə Putinin Belarusda nüvə silahı yerləşdirməsi ilə bağlı yeni sanksiyalara işarə edib.
NATO-nun sözçüsü Oana Lunqesku deyib:
"Rusiyanın nüvə ritorikası təhlükəli və məsuliyyətsizdir. NATO hazır vəziyyətdədir və biz vəziyyəti yaxından izləyirik. Biz Rusiyanın nüvə mövqeyində bizim mövqeyimizi dəyişməyə sövq edəcək hər hansı dəyişiklik görmədik. Biz bütün NATO-nu qorumağa və müdafiə etməyə sadiqik”.
Manşet.az
