Co Baydenin Şimali İrlandiyada sülhün 25-ci ildönümü münasibətilə Avropa səfərinə başlamasından sonra Rusiya qitələrarası raket sınağı ilə güc nümayişi edib.
Manset.az-ın xarici mediaya istinadən məlumatına görə, Rusiya Müdafiə Nazirliyinin rəsmiləri Baydenin Avropaya ayaq basdığı gün qabaqcıl qitələrarası ballistik raketi sınaqdan keçirdiklərini açıqlayıb.
Raketin sınaq atışının uğurla həyata keçirildiyini bildirən Rusiya rəsmiləri, “Atışda məqsəd qabaqcıl qitələrarası ballistik raket avadanlıqlarının sınaqdan keçirilməsi idi” – deyib. Açıqlamada sınaq atəşinin həyata keçirildiyi raketin adı ilə bağlı məlumat verilməyib.
Qazaxıstanda Sarı-Şaqan poliqonunda hədəfi vurduğu bildirilən raketin "Şeytan" ləqəbli Sarmat qitələrarası raketi və ya Topol-ME raket sistemi olduğu iddia edilib.
Manşet.az
