Rusiya Daxili İşlər Nazirliyi polis əməkdaşlarının narkotik alverçisi qadını yaxaladığını bildirib.
Manset.az-ın xarici mediaya istinadən məlumatına görə, şübhəlinin 170 qram metamfepramonu ev heyvanı pişiyinin paltarında gizlətdiyi açıqlanıb.
Narkotik alverində şübhəli bilinən şəxs şəhərətrafı ərazilərin birində cinayət başında yaxalanıb. Polisin verdiyi açıqlamaya görə, o, şübhə çəkməmək üçün azyaşlı qızı və körpəsini gəzdirən ana kimi davranıb.
Daxili İşlər Nazirliyinin sözçüsü İrina Volk, "Narkotik alverçisinin yanında pişiyi var idi və yeni doğulan uşaq paltarı geyindirilmişdi" – deyib.
Axtarış zamanı polis pişiyin paltarından qeyri-qanuni stimullaşdırıcı maddə olan metamfepramon olan 5 paket maddə götürüb.
Qadının kirayə götürdüyü mənzildə rəqəmsal tərəzi, narkotik qablar və daha çox qanunsuz maddələr də daxil olmaqla digər sübutlar tapılıb.
Manşet.az
