Avropa Parlamenti meşələrə zərər verən soya, mal əti, palma yağı, ağac, kakao və qəhvə kimi müxtəlif məhsulların Avropa İttifaqı ölkələrinə idxalını qadağan edən qanunu təsdiqləyib.
Manset.az-ın xarici mediaya istinadən məlumatına görə, bildirilib ki, palma yağı, mal əti, ağac, qəhvə, kakao, rezin, soya və şokolad, mebel və kağız kimi məhsullar meşələrə zərər vermədən istehsal edilməlidir.
AP Baş Assambleyasının Strasburqda keçirilən sessiyasında dünyada meşələrin qırılmasının qarşısının alınması, iqlim dəyişikliyi ilə mübarizə və biomüxtəlifliyin itkisinin qarşısının alınması məqsədilə hazırlanan qanun 552 “hə” səsi ilə qəbul edilib.
Qanuna görə, Aİ bazarlarında satılan məhsullar bütün dünyada meşələrin qırılmasına səbəb olmamalıdır. Şirkətlər Aİ bazarında meşələrin qırılmasına və meşələrin deqradasiyasına səbəb olmayan məhsulları sata biləcəklər.
Xüsusilə palma yağı, mal əti, ağac, qəhvə, kakao, rezin və soya kimi məhsullar, həmçinin şokolad, mebel, kağız və dəri kimi məhsullar meşələrin qırılmasına töhfə verməyəcək.
Sözügedən məhsulları Aİ bazarına tədarük edənlərdən qayğıkeşlik tələb olunacaq.
31 dekabr 2020-ci ildən sonra yalnız meşələrin qırılmasına məruz qalmayan torpaqlarda istehsal olunan məhsulların Aİ bazarına çıxışına icazə veriləcək.
Aİ bu məhsulları istehsal edən ölkələri aşağı, normal və yüksək risk kimi təsnif edəcək.
Risk kateqoriyası aparılacaq auditlərdə öhdəliklərin səviyyəsini müəyyən edəcək. Müəyyən edilmiş qaydalara əməl etməyən şirkətlər Aİ ölkəsində illik dövriyyəsinin 4 faizinə qədər cərimələnə bilər.
Sözügedən tənzimləmə Aİ ölkələrinin rəsmi təsdiqindən sonra Aİ Rəsmi Jurnalında dərc edilərək qüvvəyə minəcək.
Manşet.az
