İsveç, Esrange Kosmik Mərkəzindən atılan tədqiqat raketinin Norveç ərazisinə düşdüyünü açıqlayıb.
Manset.az-ın xarici mediaya istinadən məlumatına görə, İsveçin atdığı tədqiqat raketi Norveç torpağına düşüb. İsveçin şimalındakı Esrange Kosmik Mərkəzindən atılan TEXUS-58 raketinin 250 kilometr hündürlüyə çatdıqdan sonra nasazlıq səbəbindən Norveç torpağına düşdüyü açıqlanıb və burada sıfır cazibə qüvvəsində təcrübələr aparılıb.
Norveç hökumətinə nasazlıqla bağlı xəbərdarlıq edildiyini bildirən İsveç, raketin daşıdığı yükün yaxşı vəziyyətdə olduğunu və vertolyotla Esrangeyə geri qaytarıldığını bildirib.
Norveç Xarici İşlər Nazirliyinin sözçüsü verdiyi açıqlamada, "Norveç səlahiyyətliləri sərhədin Norveç tərəfində hər hansı icazəsiz fəaliyyətə çox ciddi yanaşır" – deyib və hər hansı dağıntıların çıxarılması işinin Norveç tərəfindən təsdiqlənməsi lazım olduğunu vurğulayıb.
Manşet.az
