Şimali Koreyaya tütün məhsulları satan şirkət 650 milyon dollara yaxın cərimə ödəyəcək.
Manset.az-ın xarici mediaya istinadən məlumatına görə, “British American Tobacco” (BAT) ABŞ-ın Şimali Koreyaya qarşı sanksiyalarını pozaraq siqaret satdığını etiraf edən Londonda yerləşən tütün və elektron siqaret şirkəti 635 milyon dollar cərimə ödəyəcək.
British American Tobacco Plc (BAT) törəmə şirkətini Şimali Koreyaya tütün məhsulları satmaqla ABŞ sanksiyalarını pozmaqda və bank fırıldaqlarında ittihamları boynuna alıb və ABŞ səlahiyyətlilərinə 635 milyon dollardan çox cərimə ödəməyə razılaşıb.
BAT 2007-2017-ci illər arasında Şimali Koreyaya tütün məhsulları satıb.
Ədliyyə Departamentinin Daxili Təhlükəsizlik üzrə Baş Prokurorunun köməkçisi Metyu Olsen mətbuat konfransında "Bu iş və buna bənzər digər hallar şirkətlərə xəbərdarlıq xarakteri daşıyır" – deyib.
Bu iş ABŞ Ədliyyə Departamenti tarixində "Şimali Koreyaya qarşı ən böyük tək sanksiya" kimi qeydə alınıb.
BAT-ın baş direktoru, "Biz bu sövdələşmələrə gətirib çıxaran yanlış davranışa görə dərindən təəssüflənirik və etiraf edirik ki, bizdən haqlı olaraq gözlənilən ən yüksək standartlara çata bilmədik" – deyib.
ABŞ Şimali Koreyaya nüvə və ballistik raket proqramına görə ağır sanksiyalar tətbiq edir.
Ötən il ABŞ BMT Təhlükəsizlik Şurasına Şimali Koreyaya tütün ixracını qadağan edən qətnamə təqdim edib. Rusiya və Çin qətnaməyə veto qoyub.
Manşet.az
