Ukrayna 3 pilotsuz uçuş aparatı (PUA) ilə paytaxt Moskvaya hücum etməyə cəhd edib.
Manset.az xarici mediaya istinadən xəbər verir ki, bu barədə Rusiya Müdafiə Nazirliyi məlumat verib.
Bildirilib ki, Kiyev rejiminin Moskva şəhərinə 3 PUA ilə terror hücumu cəhdinin qarşısı gecə saatlarında Rusiya hava hücumundan müdafiə qüvvələri tərəfindən alınıb.
Açıqlamada İHA-lardan ikisinin Moskva vilayətinin Mojayskiy və Himki rayonlarının hava məkanında məhv edildiyi qeyd edilib. Üçüncü PUA isə elektron döyüş vasitələri tərəfindən vurularaq idarəetməni itirib və Moskva şəhərində tikilməkdə olan binaya çırpılıb.
Hücum zamanı itki olmadığı bildirilib.
Aygün
Manşet.az
