“Türkiyə və Rusiya Prezidentləri Rəcəb Tayyib Ərdoğanla Vladimir Putin arasında nümayəndə heyətlərinin də iştirakı ilə keçirilən görüş çox konstruktiv oldu”.
Manset.az “Qafqazinfo”ya istinadən xəbər verir ki, bunu Kremlin mətbuat katibi Dmitri Peskov deyib.
“Görüş müxtəlif istiqamətlər üzrə çox konstruktiv keçdi. Tərəflər arasında tam məlumat mübadiləsi keçirildi”, - deyə Peskov qeyd edib.
Xatırladaq ki, Rəcəb Tayyib Ərdoğan bu gün Soçiyə rəsmi səfər edib və rusiyalı həmkarı Vladimir Putinlə danışıqlar aparıb.
