Macarıstanın Baş naziri Viktor Orban rəsmi təmaslar üçün paytaxt Budapeştdə səfərdə olan Türkiyə prezidenti Rəcəb Tayyib Ərdoğan ilə bağlı X sosial media hesabında yumoristik paylaşım edib.
Manset.az-ın xarici mediaya istinadən məlumatına görə, Ərdoğan Macarıstanın baş nazirinə Türkiyənin yerli və milli istehsalı olan qara rəngli “Togg” avtomobilini hədiyyə edib. Orban isə Ərdoğana macar atı hədiyyə edib.
Ərdoğan iki ölkə əlaqələrinin 100-cü ildönümü üçün xüsusi olaraq hazırlanmış “HU TR-100” nömrəli “Togg”dan istifadə edən Baş nazir Orbana avtomobil haqqında məlumat verib.
Baş nazir Orban da paylaşımına “Macarıstana xoş gəlmisiniz, prezident Ərdoğan” yazıb.
Orban paylaşımında, "Bu günə qədər etdiyim ən yaxşı razılaşma. 1 at gücü verdim və qarşılığında 435 at gücü aldım" deyib.
Əfsanə
Manşet.az
