Ermənistanın Baş naziri Nikol Paşinyan Qabriel Attalı Fransanın yeni Baş naziri təyin edilməsi ilə əlaqədar təbrik edib.
Manset.az “Qafqazinfo”ya istinadən xəbər verir ki, bu barədə məlumatı “Sputnik Ermənistan” yayıb.
O, həmçinin fransalı həmkarını Ermənistana səfərə dəvət edib.
Xatırladaq ki, yanvarın 9-u Q.Attal Elizabet Bornun istefasından sonra Fransanın yeni Baş naziri təyin edilib. 34 yaşlı Attal ölkə tarixində ən gənc Baş nazir olub. O bu təyinata qədər Fransanın təhsil naziri idi.
Qeyd edək ki, Qabrial Attal Fransa Prezidentinin yaxın tərəfdaşı, ölkənin cinsi azlıq nümayəndəsi olduğu bildirilən ilk Baş naziridir. Onun Stejan Sejourne ilə vətəndaş nikahında olduğu deyilir.
