Türkiyənin Milli Kəşfiyyat Təşkilatı (MİT) PKK terror təşkilatının Suriyadakı mövqelərinə zərbələr endirib.
Manset.az xəbər verir ki, bu barədə TRT kanalı məlumat yayıb.
Bildirilir ki, Suriyada PKK/YPG-nin nəzarətində olan hərbi, kəşfiyyat, enerji/infrastruktur obyektləri və sursat məntəqələri kimi strateji hədəflər, təşkilatda məsul səviyyədə fəaliyyət göstərən şəxslər hədəf alınıb.
Məlumata görə, terrorçulara məxsus 5 kritik infrastruktur obyekti, 3 nəzarət-buraxılış məntəqəsi, 8 hərbi məntəqə, 2 sursat anbarı, 2 logistika anbarı, 2 texniki vasitə anbarı məhv edilib.
Ümumilikdə terrorçuların 23 obyekti sıradan çıxarılıb. Əməliyyatların davam etdiyi bildirilir.
