Pakistanın Kəşfiyyat Xidməti ölkənin Ravalpindi, İslamabad və Mandi Bəhaəddin şəhərlərində İrana bağlı 4 terrorçunun həbs edildiyini bildirib.
Manset.az xəbər verir ki, bu barədə “Azad İran” “Telegram” kanalı məlumat yayıb.
Məlumata görə, saxlanılan şəxslər Pakistan Sünni Alimlər Şurasının baş katibinin müavini Məsud Əbdülrəhman Osmaninin qətlində günahlandırılırlar.
İslamabad Polis İdarəsindən bildirilib ki, həbs olunanlar İranın dəstəklədiyi Pakistanın İmamiyyə Tələbələr Təşkilatının üzvləri olublar.
Qeyd olunur ki, Məsud Əbdülrəhman Osmani yanvarın 5-də İslamabad şəhərində iki motosikletçi tərəfindən güllələnərək öldürülüb.
