Kiyevin meri Vitali Kliçko Ukrayna Silahlı Qüvvələrinin cəbhədəki kritik vəziyyəti ilə əlaqədar Almaniyadan yeni yardım istəyib.
Manset.az xəbər verir ki, bu barədə o, Almaniyanın “Bild” nəşrinə müsahibəsində bildirib.
Onun sözlərinə görə, Ukrayna artıq bir neçə aydır ki, böyük sursat çatışmazlığı yaşayır:
“Fürsətdən istifadə edərək Almaniyaya mesaj göndərmək istərdim. Biz ölkəmizi müdafiə edirik, eyni zamanda bütün Avropa İttifaqını da müdafiə edirik”, - o deyib.
Siyasətçi əlavə edib ki, son vaxtlar Rusiya ordusu Ukrayna Silahlı Qüvvələrinə təzyiq göstərir.
