Batumidə binanın çökməsi nəticəsində ölənlərin sayı 9-a çatdı

Batumidə yaşayış binasının dağıntıları arasında daha 1 nəfərin meyiti tapılıb.

Manşet.az “Report”a istinadən xəbər verir ki, o, dağıntılar altında axtarılan sonuncu şəxs olub.

Bununla da hadisə nəticəsində ölənlərin sayı 9-a çatıb. Onların 3-ü uşaqdır.

Dağıntılar altından sağ çıxarılan bir nəfərin vəziyyəti ağır qiymətləndirilir.

Qeyd edək ki, dünən şəhərinin 26 may küçəsində yerləşən beşmərtəbəli yaşayış binasında çökmə baş vermişdi.