Cəlilabadda qardaşlar arasında yaranan mübahisə qanla bitib.
Manset.az APA-ya istinadən xəbər verir ki, hadisə rayonun Adnalı kəndində baş verib.
Kənd sakinləri Əsgər və Nurlan Əsgərov qardaşları arasında mübahisə yaranıb. Bu zaman Əsgər Əsgərov bıçağa əl atıb və qardaşı 1979-cu il təvəllüdlü Nurlan Əsgərova iki bıçaq zərbəsi endirib.
Xəsarəta alan N. Əsgərov ağır vəziyyətdə Cəlilabad Rayon Mərkəzi Xəstəxanasına hospitalizasiya olunub.
Məlumata görə, qardaşlar arasında tez-tez mübahisə baş verirmiş.
Faktla bağlı araşdırma aparılır.
