Bakının Nəsimi rayonunda evlərin birindən 5 000 manat dəyərində qızıl-zinət əşyaları və nağd pul oğurlanıb.
Manset.az xəbər verir ki, bu barədə Daxili İşlər Nazirliyi (DİN) məlumat yayıb.
Bildirilib ki, polis əməkdaşlarının keçirdikləri tədbirlərlə əməli törətməkdə şübhəli bilinən, zərərçəkənin qonşusu 25 yaşlı R.Allahverdiyeva saxlanılıb.
Araşdırmalarla məlum olub ki, saxlanılan şəxs zərərçəkənin evdən çıxarkən açarı qapının üzərində unutduğunu görüb, onu gizlicə götürərək özündə saxlayıb. Daha sonra evdə heç kim olmadığı vaxtda mənzilə qanunsuz girərək oğurluq edib.
Araşdırma davam etdirilir.
