Balakəndə ağır yol qəzası: 3 nəfər xəsarət aldı

Balakən rayonunda üç nəfərin xəsarət alması ilə nəticələnən yol qəzası baş verib.

 

Manset.az xəbər verir ki, hadisə Yevlax-Zaqatala-Gürcüstan sərhəd magistral yolunun rayonun Katex kəndi ərazisindən keçən hissəsində qeydə alınıb.

Belə ki, yük və minik avtomobillərinin toqquşması nəticəsində üç nəfər xəsarət alıb.

Yaralılar Balakən Rayon Mərkəzi Xəstəxanasına aparılıb. Hazırda onların müayinəsi aparılır, şəxsiyyətləri dəqiqləşdirilir.