Biləsuvarda yol-nəqliyyat hadisəsi baş verib.
Manset.az Apa-ya istinadən xəbər verir ki, hadisə gecə saatlarında rayonun Günəşli kəndi ərazisində qeydə alınıb. Rayonun İsmətli kənd sakini Müqəddəs Babayevin idarə etdiyi "VAZ-21011" markalı minik avtomobil hərəkətdə olarkən yük avtomobili ilə toqquşub.
Qəzada sürücü və həmkəndliləri olan sərnişinlər - Xəyal Pənah oğlu Əliyev və Tural Xudabaxış oğlu Abbasov müxtəlif dərəcəli bədən xəsarətləri alıblar. Yaralılar Biləsuvar rayon Mərkəzi Xəstəxanasına çatdırılıb.
Faktla bağlı araşdırma aparılır.
