ABŞ tərəfindən İrana növbəti xəbərdarlıq səsləndirilib.
Manset.az xarici mediaya istinadən xəbər verir ki, Ağ Evin sözçüsü Karoline Leavittin sözlərinə görə, “İrana qarşı hücum üçün bir çox əsaslar irəli sürülə bilər. İranın razılaşma əldə etməsi ağıllı addım olar. Əks halda ABŞ-ın Dieqo Qarsiya Hərbi Bazasından istifadə etməsi lazım gələ bilər”.
Leavitt əlavə edib ki, Vaşinqtonun mövqeyi dəyişməz olaraq qalır və rəsmi Tehran üçün razılaşma yolu daha məqsədəuyğundur.
Öz növbəsində İran Prezidenti Məsud Pezeşkian ABŞ-ın müxtəlif ölkələrin təbii sərvətlərinə nəzarət etmək niyyətində olduğunu iddia edib. O vurğulayıb: “Biz müharibə istəmirik”.
Ağ Ev sözçüsü açıqlamasında bir daha qeyd edib ki, “İrana qarşı hücum üçün çoxsaylı əsaslar mövcuddur və razılaşma əldə etmələri onlar üçün daha məntiqli seçim olar”.
