"Bayer"in yarımmüdafiəçisi Florian Virtz Bundesliqada fevral ayının ən yaxşı oyunçusu seçilib.
Manset.az xəbər verir ki, bu barədə yarışın rəsmi saytı məlumat yayıb.
20 yaşlı futbolçu ölkə çempionatında ötən ay meydana çıxdığı 4 matçda 3 qol ötürməsi edib. Virtz bu mövsüm 3-cü dəfədir ki, ən yaxşı adına layiq görülür.
Xatırladaq ki, "Bayer" UEFA Avropa Liqasının 1/8 finalında "Qarabağ"ın rəqibidir. Komandalar arasında Bakıda keçirilən ilk oyunda 2:2 hesablı heç-heçə qeydə alınıb. Cavab görüşü bu gecə Bakı vaxtilə saat 00:00-da başlayacaq.
