Toni Kroosun gedişindən sonra "Real Madrid"də "8" nömrəli formanı kimin geyinəcəyi müəyyənləşib.
Manset.az Fanat.Az-a istinadən xəbər verir ki, bu barədə tanınmış insayder Fabritsio Romano məlumat yayıb.
Daha doğrusu, "Kral klubu"nun digər yarımmüdafiəçisi Federiko Valverde ona bu haqda məlumat çatdırıb: "15 nömrə"ni sevirəm, "Real Madrid"dəki arzularım onunla başladı. Amma bəli, iki aya onu dəyişəcəm. Kroosun gedişindən sonra "8"-i geyinəcəyim üçün sevinirəm".
Xatırladaq ki, Federiko Valverde “Real Madrid”ə 2018-ci ilin yayında keçib. Bu mövsüm o, 54 oyun keçirib, 3 qol vurub və 8 məhsuldar ötürmə edib.
