"Fənərbaxça", Avstriyanın "Zalsburq" klubundan 22 yaşlı Malili cinah oyunçusu Dorgeles Nene ilə 5 illik müqavilə imzaladığını açıqlayıb.
Manset.az türk mediasına istinadən xəbər verir ki, Nene'nin daimi transferi üçün razılığa gəlinib və onun imzası Şükrü Saracoğlu İdman Kompleksində həyata keçirilib. Nene, imza mərasimində "Fənərbaxça" kimi böyük bir klubda olmaqdan xoşbəxt olduğunu qeyd edib.
Dorgeles Nene azarkeşlərə də müraciət edərək, onlara təşəkkür edib və "Onlar üçün hər şeyimi verəcəm" deyib.
