"Fənərbaxça" klubu portuqaliyalı baş məşqçi Joze Mourinyo ilə yollarını rəsmən ayırıb. Təcrübəli mütəxəssis ötən mövsüm İstanbul təmsilçisi ilə müqavilə imzalamışdı və müqavilənin müddəti 2026-cı ilə qədər nəzərdə tutulmuşdu.
Manset.az türk mediasına istinadən xəbər verir ki, UEFA Çempionlar Liqasının pley-off mərhələsində "Benfika"ya qarşı baş tutan cavab oyunundakı məğlubiyyətdən sonra klub rəhbərliyi Mourinyo ilə əməkdaşlığa son verib.
Məlumata görə, "Fənərbaxça" Mourinyonun müqaviləsini vaxtından əvvəl pozduğu üçün ona 15 milyon avro təzminat ödəyəcək. Bu məbləğ Türkiyə futbol ictimaiyyəti və portuqaliyalı mütəxəssisin karyerası baxımından geniş müzakirə mövzusuna çevrilib.
Joze Mourinyo məşqçilik karyerası ərzində bir çox top-klubdan vaxtından əvvəl ayrılıb və yüksək təzminat alıb. Onun əvvəlki komandalarından aldığı təzminatlar aşağıdakı kimidir:
-
Roma – 3,5 milyon avro
-
Tottenhem – 21 milyon avro
-
Mançester Yunayted – 20 milyon avro
-
Çelsi (iki dövr) – ümumilikdə 35,5 milyon avro
-
Real Madrid – 20 milyon avro
Qeyd edək ki, Mourinyo "Fənərbaxça"nın cəmi 62 oyunda iştirak edib. Onun gedişi klubun yeni mövsümdəki strategiyasına ciddi təsir göstərə bilər.
