“Qarabağ” komandasının UEFA Çempionlar Liqasının təsnifat mərhələsində aldığı bütün vərəqələr ləğv olunub.
Manset.az-ın Qol.az-a istinadən məlumatına görə, qaydalara əsasən, təsnifat mərhələlərində alınan istənilən sayda vərəqə (sarı və ya qırmızı) yarışın Liqa mərhələsində qüvvəsini itirmiş sayılır. Yəni komandaların vərəqəsi olan futbolçuları yarışa “sıfır cəzadan” başlayırlar.
Xatırladaq ki, təsnifat mərhələlərində “Qarabağ”ın 8 futbolçusuna sarı vərəqə göstərilib, qırmızı vərəqə alan isə olmayıb. Sarı vərəqə alanlar Nəriman Axundzadə (1 dəfə), Kadi (1), Kevin Medina (2), Mateus Silva (2), Mateuş Koxalski (1), Dani Bolt (1), Pedro Bikalyo (1) və Aleksey Kaşukdur (1).
