İtaliya millisinin və "Udineze"nin sabiq futbolçusu Antonio Di Natale xoşagəlməz hadisə ilə üzləşib.
Manşet.az xəbər verir ki, veteran forvard evinin yaxınlığında naməlum şəxslərin hücumuna məruz qalıb.
Bıçaq və tapança ilə silahlanmış 5 nəfərdən ibarət mütəşəkkil dəstə keçmiş hücumçunu qarət edib, qolundakı 30 000 avro dəyərindəki saatı götürüb.
Cinayətkarların tapılması istiqamətində araşdırma aparılır.
Qeyd edək ki, Antonio Di Natale hazırda ölkəsinin "Karrareze" klubunun baş məşqçisidir. Komanda C Seriyasında mübarizə aparır.
