Türkiyə Super Liqasında çempionluq yarışına həlledici təsir göstərəcək “Qalatasaray” – “Fənərbağça” derbisi hələ keçirilməmiş Türkiyə futbol tarixində xüsusi yer tutub. Belə ki, iki klub tarixlərində ilk dəfə bu qədər yüksək dəyərə malik futbolçu heyətləri ilə üz-üzə gələcək.
Manset.az Türkiyə mediasına istinadən xəbər verir ki, “Qalatasaray” meydana ümumi dəyəri 381,50 milyon avro olan futbolçu heyəti ilə çıxacaq. “Fənərbağça”nın heyətinin dəyəri isə 261,20 milyon avro təşkil edir.
Derbidə əzəli rəqiblərin futbolçu heyətlərinin ümumi dəyərinin 642,7 milyon avroya çatacağı bildirilir. Bu göstərici üzrə “Qalatasaray” rəqibini 120 milyon avro qabaqlayır.
