"Bizim üçün çətin oldu, çünki "Qarabağ" oynamağa imkan vermədi"
Manset.az-ın məlumatına görə, bunu "Marsel"in baş məşqçisi Xorxe Sampaoli Fransada "Qarabağ"a 3:1 hesabı ilə qalib gəldikləri UEFA Konfrans Liqasının pley-off mərhələsinin ilk oyunundan sonra mətbuat konfransında deyib.
Argentinalı mütəxəssis ilk hissənin ağır keçdiyini, ikinci yarıda isə ümumiyyətlə oynaya bilmədiklərini söyləyib: "Kollektiv şəkildə zəif oynadıq. Arkadiuş Milikin oyundan çıxarkən mənfi jestini görmədim. Məni maraqlandıran onların oynadıqları dəqiqələrdir. Çünki qarşıda vacib oyunlarımız var".
Qeyd edək ki, komandalar arasında cavab görüşü fevralın 24-də Bakıda oynanılacaq.
