Rusiyalı MMA döyüşçüsü Mehti Dakayev Nəriman Abbasovu duelə çağırıb.
Manset.az-ın məlumatına görə, bu barədə azərbaycanlı idmançının şəxsi məşqçisi Şəhriyar Abbasov özünün Feysbuk səhifəsində paylaşım edib.
Mütəxəssis bu döyüş üçün danışıqlar aparmağa hazır olduqlarını bildirib:
"Əvvəlcə bu görüşə razılıq vermişdik. Amma Mehti özü imtina etdi. Yəqin, Nərimanın son məğlubiyyəti onu ruhlandırıb".
Qeyd edək ki, Nəriman Abbasov son olaraq, ABŞ-ın Las-Veqas şəhərində keçirilən "Dana White’s Contender Series" (Deyna Vaytın İddiaçılar Seriyası) turnirində braziliyalı İsmael Bonfimə uduzub.
