İspaniya La Liqasının 15-ci turunda Madrid “Real”ı səfərdə “Valyadolid”ə qalib gəlib.
Manset.az oxu.az-a istinadən xəbər verir ki, qarşılaşmanın ilk hissəsi qolsuz bərabərliklə yekunlaşıb.
İkinci hissədə təşəbbüsü ələ alan qonaqlar 83-cü dəqiqədə hesabda önə çıxıblar. K.Benzema penalti zərbəsindən fərqlənib. Fransalı ulduz 89-cu dəqiqədə özünün və komandasının ikinci topunu vurmaqla yekun hesabı da müəyyən edib.
Bu qələbə ilə “Real” xallarının sayını 38-ə çatdırıb.
Qeyd edək ki, “Real” 38 xalla turnir cədvəlində müvəqqəti liderliyə yüksəlib. Hazırda evində “Espanyol”la qarşılaşan “Barselona” 37 xala malikdir və qarşılaşmada məğlub olmayacağı təqdirdə turnir cədvəlində “Real”ı qabaqlayacaq.
