Bu gün saat 13 radələrində Abşeron rayonu ərazisində qətl törədilib.
Manset.az Qafqazinfo-ya istinadən xəbər verir ki, 1987-ci il təvəllüdlü Türkan Abdurəhimovanın öldürülməsi barədə məlumat daxil olub.
Araşdırma zamanı 1967-ci il təvəllüdlü Şakir Rzayevin rayonun Masazır kəndi ərazisində bıçaqla xəsarətlər yetirərək qohumu Türkan Abdurəhimovanı qəsdən öldürməsinə əsaslı şübhələr müəyyən edilib.
Faktla bağlı Abşeron Rayon Prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb. Şakir Rzayev iş üzrə şübhəli şəxs qismində tutulub.
İbtidai istintaq davam etdirilir.
