Lənkəranda polislər 17 yaşlı kollec tələbəsini döyüb.
Manset.az Report-a istinadən xəbər verir ki, bu barədə məlumat sosial şəbəkələrdə yayılıb.
Bildirilib ki, tələbə mayın 31-i səhər saatlarında oxuduğu kollecin qarşısında iki polis əməkdaşı tərəfindən Lənkəran Şəhər Rayon Polis Şöbəsinə aparılıb:
"Daha sonra 17 yaşlı gənc orada bir neçə polis nəfəri tərəfindən döyülüb".
Tələbə xəstəxanaya yerləşdirilib.
Məsələ ilə bağlı Daxili İşlər Nazirliyi (DİN) Mətbuat xidmətinin açıqlama verəcəyi gözlənilir.
