Suriyada ölkənin keçmiş prezidenti Bəşər Əsədin əmisi oğlu Vasim Əsəd saxlanılıb.
Manset.az Qafqazinfo-ya istinadən xəbər verir ki, bu barədə məlumatı Suriyanın Daxili İşlər Nazirliyi yayıb.
V.Əsəd narkotik alverində və bir sıra digər qanun pozuntularında ittiham olunur.
“Suriya kəçfiyyatının və DİN-in əməkdaşları Vasim Əsədi saxlayıb. O, Suriyada narkotik alveri ilə məşğul olan ən tanınmış şəxslərdən biri hesab olunur və keçmiş rəhbərliyin cinayətlərində iştirak edib”, - deyə Suriya DİN-in feysbuk hesabında edilən paylaşımda bildirilib.
“SANA” agentliyinin mənbələri isə, sözügedən şəxsin Livanla sərhədin yaxınlığında saxlanıldığını qeyd edib.
Xatırladaq ki, Suriyada 2024-cü il dekabrın 8-nə keçən gecə müxalifət qüvvələri hakimiyyəti ələ keçirib. Bunun ardınca, Bəşər Əsəd və ailəsi Rusiyaya qaçıb.
