ABŞ-nin vitse-prezidenti JD Vens prezident Donald Trampın İsrailin Baş naziri Benyamin Netanyahuya dəstəyini açıqlamasından sonra onun yenidən seçilməsini dəstəkləyib-dəstəkləmədiyi barədə mövqe bildirməkdən çəkinib.
Manset.az xarici mediaya istinadən xəbər verir ki, Vens jurnalist Mark Halperinə “Air Force Two” təyyarəsində verdiyi müsahibədə ABŞ-dakı namizədləri dəstəklədiyini və diqqətini aralıq seçkilərə yönəltdiyini bildirib. O, İsrail seçkilərinə müdaxilə etməyəcəyini vurğulayıb.
Bununla belə, vitse-prezident bu ilin əvvəlində Macarıstanın paytaxtı Budapeştə səfər edərək Trampın dəstəklədiyi Viktor Orbana seçkiqabağı dəstəyini ifadə etmişdi. Lakin uzun müddət baş nazir vəzifəsini tutan Orban seçkilərdə məğlub olub.
Netanyahuya münasibətini açıqlayan Vens nə onun dəstəklənməsinin əleyhinə olduğunu, nə də lehinə çıxış etdiyini bildirib. O, İsrailin seçki prosesinə müdaxilə etmədiyini bir daha qeyd edib.
