Avqustun 21-i Salyanda ağır yol qəzası baş verib.
Manset.az Qafqazinfo-ya istinadən xəbər verir ki, Qarabağlı kəndində “Mercedes” markalı avtomobil yolu keçmək istəyən 32 yaşlı Sahil Əsgərlini vurub. Piyada xəstəxanaya çatdırılsa da, aldığı xəsarətlərdən orada ölüb.
Qeyd edək ki, sosial mediada hadisəyə dair videogörüntülər yayılıb. Məlum olub ki, Sahil Əsgərli anası ilə birgə yolu keçmək üçün yaxınlaşıblar. Bu zaman Sahil yaxınlaşan avtomobilin sürətini düzgün hesablamayaraq yolun hərəkət hissəsinə çıxıb və qaçmaq istəyib. Nəticədə, o, nəqliyyat vasitəsinin zərbəsinə tuş gəlib. Anası isə yolun kənarında qalaraq hadisənin şahidi olub.
Faktla bağlı araşdırma aparılır.
Hadisə anının görüntülərini təqdim edirik:
